Chronique d'Enguerrand de Monstrelet - index L.II-103 - Comment les gens du roy Charles volrent prendre la ville de Corbie.

n ce mesme temps, se assamblèrent plusieurs des capitaines du roy Charles, est assavoir le seigneur de Longueval, Anthoine de Chabennes, Blanchefort, Alain Géron et plusieurs aultres. Si chevauchèrent tous ensamble avec leurs gens vers la ville de Corbie, laquelle ilz cuidèrent prendre par soubdain assault, mais par la diligence de l'abbé dudit lieu la dicte ville fut moult bien dépendue, et ceulx qui estoient dedens. Et aussi ilz furent fort confortés de Jehan de Hu-mières, Angeux de Gribauval, et aulcuns aultres gentilz hommes qui estoient avec eux. Et tant, que en conclusion ilz furent reboutez, et y perdirent de leurs gens. Et mesmement, ledit Alain Géron fut navré moult durement et mis comme en péril de mort. Si furent ars, à l'occasion d'eulx, ung très biaulx faulx bours au lès vers Feulloy (1). Et après se départirent et alèrent fourer le pays sur l'eaue de Somme. Et prinrent le chastel de Morcourt (2) et le Lion (3) qui estoit au seigneur de Longueval, et firent du grand dommage au pays. Mais en assés brief terme, ilz laissièrent ladicte forte-resce, et s'en retournèrent ès lieux dont ilz estoient yssus, pour doubte qu'ils ne fussent asségiés dedens. Lesquelles forteresces furent démolies et abatues, par l'ordonnance du duc de Bourgongne.

                                                 

Source : La chronique d'Enguerrand de Monstrelet - Tome IV (L.Douët d'Arcq - 1860)

Notes :
1 Fouilloy, à un kilomètre de Corbie.

2 Morcourt (Somme), à dix kilomètres de Corbie.

3. Lihons, en Santerre ?