Chronique d'Enguerrand de Monstrelet - index L.II-87 - Comment le joane roy Henri vint en France et descendi à Calais.

n cest an, le josne roy Henry, eagié de huit ans, vint d'Angleterre à Calais, et descendit de sa nef environ à X heures au matin, le jour monseigneur Saint-George. Si fut monté sur ung cheval et ala oyr messe en l'église Saint-Nicolas. Si estoient avec lui le cardinal de Wincestre, le duc de Noortvolt, le conte de Hostiton, le conte de Warwich, le conte de Staffort, le conte d'Arondel, le conte de Staffort, le conte de Bonneterre, le conte de Hen, les seigneurs de Roes, de Beaumont, d'Escaillon, de Grès et pluiseurs aultres. Si y estoit messire Pierre Cauchon, évesque de Biauvais, qui avoit esté envoyé pour le quérir. Et depuis vindrent ses gens. Si fut mené, à tout sa puissance, en la ville de Rons (1), où il fut long temps.

                                             

                                                 

Source : La chronique d'Enguerrand de Monstrelet - Tome IV (L.Douët d'Arcq - 1860)

Notes :
1 Sic et aussi dans Vérard. Il faut lire Rouen.