 |
Lettre
d'anoblissement de Jean de Novelompont dit "de Metz"
mars 1440-41
|
 |
 our faire mieux ressortir la forme insolite de l'anoblissement de Gui de Cailly, je rapporte ici celui de Jean de Novelonpont
qui est rédigé dans le style ordinaire. Quoique Jean de
Novelonpont ait rendu de bien plus grands services que Gui de
Cailly, puisqu'il fut l'un de ceux qui amenèrent la Pucelle en
France, cependant aucune de ses actions n'est consignée dans
les lettres du roi. Il y est désigné seulement comme un homme
de condition libre qui s'est distingué dans les guerres. On lui
donne d'ailleurs le surnom de Jean de Metz, qu'il porte également
dans les actes du procès. Il devait ce surnom au lieu de son
origine, parce que Novelonpont (aujourd'hui Nouillonpont) faisait
partie du pays messin.
La pièce est tirée du trésor des chartes aux Archives nationales,
registre 224, pièce 126.
*
* *
Karolus, etc., ad perpetuam rei memoriam. Sublimari
meruerunt ad nobilitatis fastigium qui virtutum
præstantia, morura cultu, honoris gloria, famae splendore et vitæ celebritate perpollere comprobati
sunt, ut, si claram non traxerunt originem,
suis tamen actibus gaudeant egregiis. Notum igitur
facimus universis præsentibus et futuris quod, attentis vita laudabili, morum honestate et splendore
famæ quibus dilectus noster Johannes de Novyllomponty
alias de Metz, dicitur insigniri ; consideratis insuper laudabilibus et multum gratuitis serviciis nobis
per ipsum nostris in guerris et alias, perpensis,
et quæ in futurum plus impendi speramus : Nos, his
de causis, ipsius personam honorare volentes sicquod
sibi ac toti posteritati suæ et proli perpetuo cedere
valeat ad honorem et incrementum, eumdem Johannem
de Novyllompont qui liberæ conditionis fore
dicitur, cum ejus posteritate et prole utriusque sexus
in legitimo matrimonio procreata et procreanda, et
eorum quemlibet, de nostræ regiæ plenitudine potestatis,
auctoritate regia et gratia speciali, nobilitavimus
per præsentes, nobilesque facimus et habiles
reddimus ad omnia et singula quibus cæteri regni
nostrinobiles utuntur et uti possunt seu consueverunt ; ita quod ipse Johannes ejusque proies et posteritas
masculina, in legitimo matrimonio procreata et procreanda,
quandocumque et a quocumque milite voluerint,
cingulo militiæ valeant decorari. Concedentes
ipsi Johanni universæque ejus posteritati et
proli in legitimo matrimonio natæ et nascituræ, ut
in omnibus et singulis actibus, locis et rebus, in judicio
et extra, non ignobiles seu plebeii; sed ut no biles de cætero teneantur, habeantur et in perpetuum
censeantur, ac etiam quibuslibet privilegiis,
prærogativis, franchisas, honoribus, libertatibus et
juribus universis et singulis, quibus nostri regni cæteri
nobiles uti possunt et utuntur, pacifice utantur et
in perpetuum potiantur ; et quod ipse Johannes ejusque proles et posteritas de legitimo matrimonio procreata
et procreanda, feoda, retrofeoda nobilia aliasque
possessiones nobiles, quæcumque sunt et quacumque
præfulgeant nobilitate, libere tenere et possidere,
acquisita et jam habita per ipsum Johannem ejusque
posteritatem, ut prædicitur, natam et nascituram,
hactenus, et etiam in futurum acquirenda et habenda,
perpetuo retinere et habere licite valeant atque possint,
ac si fuissent ab antiquo originaliter nobiles ex
utroque latere procreati ; absque eo quod ea vel eas
in toto vel in parte vendere seu extra manus suas ponere
cogantur : solvendo nobis hac vice financiam
moderatam per dilectas et fideles Compotorum nostrorum
gentes et thesaurarios nostros componendam. Quapropter ipsis Compotorum nostrorum gentibus et
thesaurariis, baillivisque Senonensi, Calvimontis et
de Vitriaco ac cæteris justiciariis, officiariis et subditis
nostris et eorum locatenentibus, præsentibus et futuris,
et cuilibet eorumdem, prout ad eum pertineat,
tenore præsentium damus in mandatis quatenus præfatum
Johannem et ejus posteritatem et prolem in
matrimonio legitimo, ut prædicitur, natam et nascituram,
nostris præsentibus nobilitatione et gratia uti
et gaudere faciant et permittant, nec ipsos seu quemlibet
eorumdem contra præsentium tenorem impediant seu inquietent impedirique seu perturbari faciant, nunc vel in futurum quoquomodo. Quod ut
firmum et stabile perpetuo perseveret, sigillum nostrum
his præsentibus duximus apponendum, salvo
in aliis jure nostro et in omnibus quolibet alieno.
Datum in Montyliis prope Turonis, mense martii,
anno Domini millesimo cccc° quadragesimo octavo,
et regni nostri vicesimo septimo. Sic signatum : Per
Regem, Vobis, dominis de Fayeta, de Precigneyo, ac
aliis pluribus præsentibus. E. CHEVALIER. Visa. Contentor.
E. FROMENT.
Source
: Texte original en Latin - Quicherat (t.V, p.363 et suiv.)
Notes :
/
|
