 |
XVIII. Martii. [Assertiones traditæ dd. assessoribus.]
p. 188 à 189 |
 |
 tem, dominica in Passione Domini, XVIII. die dicti
mensis martii, immediate sequenti, præsidentibus nobis,
episcopo prædicto, et dicto fratre Johanne Magistri , vicario Inquisitoris, in domo habitationis nostræ
episcopi prædicti, Rothomagi, et adstantibus reverendis
patribus dominis et magistris : Ægidio, abbate
Fiscampnensi ; Petro, priore de Longavilla ; Johanne
Pulchripatris, Jacobo de Turonia, Nicolao Midi, Petro
Mauricii et Gerardo Fueilleti, in sacra theologia ; et
Radulpho Rousselli, in utroque jure doctoribus ; —
Nicolao de Vendères et Johanne de Fonte, in jure canonico licentiatis ; — Nicolao Coppequesne et Thoma
de Courcellis, in sacra theologia bachalariis : nos, episcopus
prædictus, exposuimus qualiter prædicta Johanna
per multos dies fuerat interrogata, et multæ
confessiones et responsiones ejus habebantur in scriptis
; quærendo ab eisdem assistentibus, ut, super
modo ulterius procedendi in materia, suas deliberationes
et sua consilia præstarent. Fecimusque legi coram
ipsis, assertiones plurimas quæ ex responsionibus
ipsius Johannæ per aliquos magistros ex ordiiiatione
nostra extractæ fuerant, ut materiam plenius viderent,
et de agendis securius deliberarente.
Qui quidem domini et magistri, præmissis auditis,
solemniter et mature deliberaverunt. Auditisque singulorum opinionibus, conclusimus et ordinavimus
quod quilibet ipsorum videret et studeret diligenter
in materia, atque opiniones doctorum in libris authenticis
super hujusmodi assertionibus visitaret, ut,
die jovis exinde proximo sequenti, de his conferre possemus, singulis advisamenta sua coram nobis referentibus ; quodque interea, ex interrogatoriis et
responsis ipsius Johannæ, certi formarentur articuli
qui, coram nobis judicibus et contra ipsam Johannam,
in judicio proponerentur.
Source : Edition Jules Renouard et Cie - 1841
Nota : publication sans aucune garantie d'exactitude parfaite avec le texte original.
|
