 |
XXII. Martii. [Conclusum in pauciores articules redigendas fore
prædictas assertiones.]
p. 189 à 190 |
 |
 tem, die jovis immediate sequenti, XXII. dicti
mensis martii, Rothomagi, in domo habitationis nostrae
episcopi prædicti ; præsidentibus nobis, episcopo,
et fratre Johanne Magistri, vicario domini Inquisitoris,
prædictis ; comparuerunt venerabiles domini et
magistri : Johannes de Castellione, Erardus Emengart,
Guillelmus Boucherii, Petrus prior de Longavilla,
Johannes Pulchripatris, Jacobus de Turonia,
Nicolaus Midi, Mauricius de Quesneyo, Petrus Houdenc,
Johannes de Nibat, Johannes Fabri, Petrus
Mauricii, Jacobus Guesdon et Gerardus Fueilleti, sacræ
theologiæ ; et Radulphus Rousselli, thesaurarius
ecclesiæ Rothomagensis, in utroque jure doctores ; —
Nicolaus de Vendères, archidiaconus de Augo in ecclesia
Rothomagensi, et Johannes de Fonte, in jure
oanonico licentiati ; — Guillelmus Haiton, Nicolaus
Coppequesne et Thomas de Courcellis, in sacra theologia
bachalarii ; — Nicolaus Loiselleur, canonicus
ecclesiæ Rothomagensis, et frater Ysambardus de Petra,
ordinis Fratrum Prædicatorum.
Quibus sic coram existentibus, relata fuerunt nonnulla,
quæ notabiliter et scientifice per quamplures
dictorum doctorum dominorum et magistrorum compilata
et advisata fuerant in materia. Quibus visis, et auditis opinionibus singulorum, et longa cum eis habita
collatione, conclusimus et ordinavimus quod illa
quæ prius ex registro confessionum prædictæ Johannæ
extracta fuerant, in pauciores redigerentur articulos,
per modum assertionum vel propositionum.
Qui quidem articuli deinceps singulis doctoribus et
magistris communicarentur, ut facilius suas deliberationes
reddere valerent ; super aliis vero, an ulterius
deberet eadem Johanna interrogari et examinari, taliter
procederemus, Domino adjuvante, quod res ipsa
deduceretur ad Dei laudem et fidei exaltationem, taliter
quod processus noster nullum vitium pateretur.
Source : Edition Jules Renouard et Cie - 1841
Nota : publication sans aucune garantie d'exactitude parfaite avec le texte original.
|
