 |
XX. Februarii. [Idoneum causæ se negat vicarius domini Inquisitoris.] -
p. 33 à 37 |
 |
 tem die martis sequente, scilicet XX. mensis februarii ; comparentibus in dicta domo habitationis nostræ, episcopi prædicti, dictis, fratre Johanne
Magistri, vicario domini Inquisitoris ; magistris Johanne Beaupère, Jacobo de Turonia, Nicolao Midi, Nicolao de Vendères ; Petro Mauricii, Gerardo Fueillet, Thoma de Courcellis, Nicolao Loyselleur et fratre Martino Lavenu (1), ordinis Fratrum Prædicatorum ; coram ipsis retulimus nos vidisse commissionem seu Vicariatum traditum præfato fratri Johanni Magistri a domino Inquisitore, ac ex consilio peritorum quibus ipsum vicariatum ostenderamus, habuisse quod præfatus
vicarius, virtute illius commissionis, poterat se nobis adjungere, et in hac civitate ad quam et totam dioecesim Rothomagensem extendebatur sua commissio,
pariter nobiscum præsentem processum deducere. Et nihilominus, pro majori securitate præfati processus, dominum Inquisitorem ad ipsius personam per litteras nostras patentes, sommare et requirere duximus, ut in hanc urbem Rothomagensem, hujus processus deducendi gratia, personaliter accederet, aut vicarium committeret, qui planiorem et specialiorem haberet potestatem, protit ex tenore litterarum ipsarum inferius subscriptarum apertius constat.
Quibus sic per nos, episcopum prædictum, expositis, prænominatus frater Johannes Magistri respondit quod, tum pro serenatione conscientiæ suae, tum
pro securiori deductiome processus, nollet se de præsenti materia intromittere, nisi si et in quantum super hoc haberet potestatem. Verumtamen in quantum poterat et sibi licebat, placuit eidem ut nos, episcopus prædictus, in materia procederemus ulterius, donec plenius haberet consilium si, vigore sæpedictæ
suæ commissionis, processum ipsum deducendum assumeret. Cujus sic habito consensu, rursum eidem processum et quæ jam processerant, aut in posterum
agerentur, communicare obtulimus. Atque deliberationibus assistentium receptis, decrevimus mulierem præfatam, per litteras nostras citatorias, coram nobis
fore citandam et evocandam ad diem mercurii proximo sequentera, scilicet XXI. mensis februarii ; quarum litterarura tenor inferius annotatur.
Sequitur primo tenor litterarum vicariatus dicti fratris Johannis Magistri.
« Frater Johannes Graverent, ordinis Fratrum Prædicatorum, sacræ theologiæ professor, hæreticæ pravitatis Inquisitor in regno Franciæ auctoritate apostolica deputatus, dilecto sibi in Christo fratri Johanni Magistri, ejusdem ordinis, in auctore et confirmatore fidei Domino nostro Jhesu Christo, salutem. Quoniam morbus hæresis velut cancer serpit, et latenter simplices interficit, nisi cum diligenti examine inquisitionis sarculo præscindatur : hinc est quod de vestræ fidei zelo, discretione ac probitate confisi, auctoritate apostolica qua fungimur in hac parte, in civitate et dioecesi Rothomagensi, nostrum fecimus, creavimus et constituimus vicarium, ac præsentium tenore facimus,
creamus et constituimus ; dantes et concedentes vobis in dicta civitate et dioecesi, plenariam potestatem contra quoscumque hæreticos aut de hæresi suspectos ac eorum credentes, fautores, defensores et receptatores, inquirendi, citandi, conveniendi, excommunicandi, capiendi, detinendi, corrigendi et alias contra ipsos modis opportunis procedendi, usque ad definitivam sententiam inclusive ; necnon absolvendi et poenitentias salutares injungendi ; et generaliter omnia alia et singula faciendi et exercendi, quæ ad dictum
Inquisitoris officium pertinent, tam de jure quam de consuetudine ac previlegio speciali, quæ faceremus et facere possemus, si præsentes essemus. In quorum
omnium testimonium sigillum nostrum, quo utimur in officio, præsentibus duximus apponendum. Datum Rothomagi, anno Domini millesimo CCCC. XXIIII., vicesima prima mensis augusti. »
Item sequitur tenor litterarum, quas nos præfatus episcopus transmisimus domino Inquisitori hæreticæ pravitatis.
« PETRUS, miseratione divina Belvacensis episcopus, venerando patri magistro Johanni Graverent, sacræ theologiæ doctori, Inquisitori hæreticæ pravitatis,
salutem, et in Christo dilectionem sinceram. Cum dominus noster Rex, zelo fidei orthodoxæ et christianæ religionis accensus, quamdam mulierem nomine Johannam, quæ Puella vulgari cognomine appellatur, de variis criminibus adversus fidem et ipsam religionem christianam perpetratis notorie diffamatam, ac de hæresi suspectam, in nostra dioecesi Belvacensi captam et deprehensam, nobis tanquam judici ordinario reddidisset ac expedivisset ; territoriumque nobis in hac civitate et dioecesi Rothomagensi, pro deductione processus in ea re habendi, per Capitulum Rothomagensis ecclesiæ, sede archiepiscopali vacante, fuisset concessum et assignatum ; cupientes omnem erroris impietatem a grege dominico depelli, atque catholicæ veritatis integritatem jugiter illæsam per manere, ut sic populus christianus, præoipue in nostra dioecesi, et cæteris partibus hujus christianissimi regni per sanam doctrinam jugiter ædificetur ad salutem ; causam præfatæ muliem omni studio et diligentia examinare, ac de ejus dictis et factis fidem orthodoxam concernentibus inquirere duximus ; evocatisque nonnullis, tam sacræ theologiæ, quam juris canonici doctoribus, et aliis peritis, juridicum processum in hac urbe, cum grandi et maturo consilio, inchoavimus. Verum quoniam res ipsa officium vestrum inquisitionis singulariter concernit, cujus interest in hujuscemodi suspicionibus hæresum lucidam perquirere veritatem, vestram venerandam paternitatem ragamus, in favorem fidei sommamus et requirimus quatenus, pro ulteriori ejusdem processus deductione,
ad hanc urbem indilate accedatis, causam ipsam, prout vestro incumbit officio, secundum formam juris et apostolicas sanctiones, tractaturus, ut concordi sententia et uniformi processu, rei præfatæ pariter intendamus. Quod si vos tanta occupatio detineret ut alicujus moræ rationabilem causam prætendere possetis, saltem fratri Johanni Magistri, vicario in civitate et dioecesi Rothomagensi a vobis deputato, aut alteri specialiter ad hoc committatis facultatem, ne facti hujus, in præjudicium fidei et scandalum populi christiani, morosa dilatio vestræ absentiæ post debitam requisitionem valeat imputari. Quidquid autem inde faciendum decreveritis per litteras vestras patentes, nobis indilate significare curetis. Datum Rothomagi sub sigillo nostro, anno Domini millesimo CCCC. XXX., die XXLI. mensis februarii. » Sic signata : « G. BOISGUILLAUME. G. MANCHON. »
Source : Edition Jules Renouard et Cie - 1841
Nota : publication sans aucune garantie d'exactitude parfaite avec le texte original.
Notes :
1 Frère Martin Ladvenu, dominicain, bachelier en théologie. Il fut le confesseur de Jeanne à ses derniers moments, il l'administra et l'accompagna
jusqu'au bûcher. Il a deposé dans le procès de révision.
|
