 |
[PRIMUM JUDICIUM. ]
p. 194 à 195 |
 |
N C I P I T
Processus ordinarius post processum factum ex officio.
ITEM, lunæ immediate sequenti, post Ramos Palmarum,
quæ fuit XXVI. dies dicti mensis martii, in domo
habitationis nostræ, Rothomagi, coram nobis, episcopo
prædicto, et dicto fratre Johanne Magistri,
vicario domini Inquisitoris, comparuerunt venerabiles
domini et magistri : Johannes de Castellione, Johannes
Pulchripatris, Jacobus de Turonia, Nicolaus
Midi, Petrus Mauricii, Gerardus Fueilleti, in sacra
theologia ; et Radulphus Rousselli, thesaurarius ecclesiæ
Rothomagensis, utriusque juris doctores ; — Andreas
Marguerie, archidiaconus Parvi-Caleti, in legibus
; Nicolaus de Vendères, archidiaconus de Augo, et
Johannes de Fonte, in decretis licentiati ; — Thomas
de Courcellis, bachalarius in theologia, et Nicolaus
Loiselleur canonicus ecclesiæ Rothomagensis. In quorum
præsentia legi fecimus certos articulos concludentes
quod dictus promotor contra ipsam Johannam proponere
intendebat.
Et tunc deliberatum fuit quod, præter et ultra processum
præparatorium, hactenus ex officio nostro observatum,
a cætero, prout etiam nos, episcopus et
vicarius prædicti, faciendum decrevimus et conclusimus,
contra dictam Johannam per processum ordinarium
procederetur ; et quod hujusmodi articuli erant bene compositi ; et quod super istis dicta Johanna interrogaretur
et audiretur; quodque hujusmodi articuli
proponerentur ex parte dicti promotoris per
aliquem solemnem advocatum vel ipsum promotorem ;
et, si dicta Johanna recuset respondere ; monitione canonica prius eidem facta, habeantur ista pro confessatis.
Et, post plura, conclusimus quod crastina die
sequente, proponerentur articuli prædicti dandi per
promotorem, et super illis interrogaretur et audiretur
prædicta Johanna.
Source : Edition Jules Renouard et Cie - 1841
Nota : publication sans aucune garantie d'exactitude parfaite avec le texte original.
Notes :
1
|
