Chronique de la Pucelle - index 18 - Du duc de Bretagne et de sa venue à Saumur

' an mil quatre cent vingt six (1), le roy envoya une notable ambassade devers le duc de Bretagne, en luy faisant sçavoir qu'il avoit mis hors ceux dont il avoit fait mention, et qu'ils s'en estoient partis et allez en luy requérant qu'il luy voulust ayder. Le duc assembla sur ce un grand conseil pour avoir advis sur ce qu'il auroit à faire, et y eut diverses opinions, et n'est doute qu'en ce temps là il y avoit des différens et imaginations bien merveilleuses. Toutesfois le duc se conclud et délibera de servir le roy. En après le roy vint à Saumur et le duc s'en vint là vers luy bien habillé et ordonné, et ses gens aussi ; et fut reccu à bien grand joye et luy fit on très bonne chère ; et il y fit l'hommage de la duché et le serment au roy comme à son souverain seigneur, et se disposa et ordonna luy et ses gens de faire guerre aux Anglois.
  En ce temps avoit une place tenue par les Anglois nommée Pontorson (2), qui portoit grand dommage à plusieurs pays ; le comte de Richemont, connestable de France, y mist le siège et la print ; et y eut plusieurs Anglois de tuez et prins, puis la fit razer et abbatre.

                                                 

Source : édition Vallet de Viriville - éd.1859

Notes :
1 Pour le changement d'année, Pâques le 31 mars.

2 Chef-lieu de canton, arrondissement d'Avranches.