 |
Chronique
de la Pucelle
-
index
39
- Siège et bastides fermez devant Orléans du
costé par devers Beausse |
 |
' an mille quatre cent vingt huict, le vingt neufiesme jour de décembre,
le comte de Suffort, les seigneurs de Talbot, de Scales et autres
grands seigneurs anglois et bourguignons chefs de guerre se partirent
de Jargeau, vinrent à puissance mettre le siège devant
Orléans du costé devers la Beausse ; et pour enclore
la cité fermèrent et fortifièrent plusieurs
bastides encloses de fossez et de tranchées sur tous les
grands chemins passans, c'est à sçavoir : la bastide
Sainct-Laurens, la bastide du Colombier, la bastide de la Croix-Boissée,
la bastide qu'ils nommèrent Londres , au lieu des Douze-Pairs
(1), la bastide Haro, nommée
Rouan, la bastide de Sainct-Pouoir, nommée Paris, la bastide
Sainct Loup; et édifièrent dedans la Loire, au droict
de Sainct-Laurens en l'isle de Charlemaigne, une autre bastide,
et là, levèrent port et passage par eaue en telle
manière qu'un siege pouvoit secourir l'autre.
Et ainsi appert que la ville fut enclose tant de la
partie de Beausse que de Soulongne, de treize places fortifiées,
tant boulevarts, commc bastides : dont la cité fut en telle
destresse qu'ils ne peurent avoir secours de vivres par eaue ny
par terre. Néantmoins les nobles et les bourgeois qui estoient
dedans la cite, issirent souvent et feirent de grand saillies et
si furent assaillir Anglois jusques aux bastides, lesquels issoient
aucunes fois. Il y eut moult de grandes escarmouches, où
eut grand nombre des chevaux du mareschal de Saincte Sévère
de tuez : ce mareschal fut de grande entreprinse et hardy, et gouverna
tant honorablement les gens de guerre, qu'il tenoit à Orléans,
qu'ils y séjournèrent depuis la Toussaint jusques
à l'Ascension, sans faire aucun excès entre eux et
ceux d'Orléans (2).
Source
: édition Vallet de Viriville
Notes :
1 Les Douze Pairs de France, dénomination nationale. Il
y avait six pairs laïques et six pairs ecclésiastiques
; six ducs dont 3 laïques : Bourgogne, Guyenne, Normandie
et trois ecclésiastiques : Reims, Laon, Langres. Six comtes
- laïques : Flandre, Champagne, Toulouse ; écllésiastiques
: Noyon, Châlons, Beauvais.
2 La Toussaint : 1er novembre 1428 - L'Ascension : 5 mai 1429.
|