L'abréviateur du procès - index p. 17 à 18 du ms.

E LENDEMAIN au mattin, Jhenne la Pucelle print ses armes et fist armer les seigneurs, cappitaines et gens d'armes ; et, ce faict, saillit la premiere de la ville, et s'en va assaillir ladicte bastille Sainct Leu ; et quand les Angloys qui estoyent dedens la grand bastille veirent le dur assault que on faisoit a leurs gens, saillirent dehors de leur fort, pour les venir secourir ; lesquelz furent si vertueusement reboutez par les Françoys, qu'ilz furent contrainctz de eulx retirer en leurdit fort. Et ce faict, les Françoys recommencerent l'assault si fierement que ladicte bastille fut assez tost prinse d'assault.  Et tous ceulx qui estoyent dedens, tuez et prins. Et incontinent[18] ladicte Pucelle fist demolir ladicte bastille, et s'en retourna avecq sa compaignie dedens la ville.

   

                                                 

Source : Édition de "La minute française des interrogatoires de Jeanne la Pucelle".1952 - Paul Doncoeur.